Հառլեմ Գլոբթրոթերս

**Հառլեմ Գլոբթրոթերս**
	Հառլեմ Գլոբթրոթերս
	Հառլեմ Գլոբթրոթերս պատկերանիշ
Լիգաներ	Անկախ
Հիմնադրում	1927
Պատմություն	Չիկագո Գլոբթրոթերս ; (1926–1927) ; Նյու Յորք Հառլեմ Գլոբթրոթերս ; (1928–1929) ; Հառլեմ Գլոբթրոթերս ; (1929–այժմ)
Մարզադաշտ	Շրջիկ թիմ
Տեղագրություն	Հառլեմ, Նյու Յորք (գրասենյակը՝ Ֆինիքս, Արիզոնա)
Ակումբի գույներ	Կապույտ, կարմիր, սպիտակ ;
Նախագահ	Shamrock Capital
Սեփականատեր	{{{սեփականատեր}}}
Գլխավոր մարզիչ	Ջիմի Բլեքլոկ (մարզիչ); Լուիս Դունբար (մարզիչ); Բարի Հարդի (մարզիչ); Թեքս Հարիսոն (օգնական)
Առաջնություններ	—
Կոնֆերենցիոն տիտղոսներ
Դիվիզիոն տիտղոսներ
Հավերժացված
Կայք	harlemglobetrotters.com
	Համազգեստ
Տան դաշտ	Մրցակցի դաշտ

«Հառլեմ Գլոբթրոթերս» (անգլ.՝ Harlem Globetrotters, թարգմանաբար՝ «Հառլեմյան ճանապարհորդներ»), ամերիկյան ցուցադրական բասկետբոլի ակումբ։

Թիմն ստեղծումից ի վեր հանդես է եկել շուրջ 120 երկրներում և ներկայացրել մոտ 20 000 ցուցադրումներ։ Թիմի ներկայացումները պարունակում են սպորտի, թատերական շոուի և կատակերգության տարրեր։

Ակումբն հիմնադրվել է 1927 թվականին՝ Չիկագոյում։ Բասկետբոլիստների ճնշող մեծամասնությունը աֆրոամերիկացիներ էին, ինչն անսովոր երևույթ էր այդ տարիներին, քանի որ պրոֆեսիոնալ մակարդակի լիգաներում գործում էր սևամորթ մարզիկների քանակի սահմանափակման մասին օրենք։ Երեսունականների և քառասունականների ընթացքում թիմն արդեն համարվում էր երկրի լավագույն բասկետբոլային ակումբը։ Տարիների ընթացքում «Գլոբթրոթերսի» ձեռք բերած ժողովրդայնությունը ստիպում է Բասկետբոլի ազգային ասոցիացիային և Ամերիկյան բասկետբոլի լիգային հանել ռասայական սահմանափակման մասին օրենքը։ 1950-ականներին լիգաներում արդեն ազատորեն հանդես էին գալիս սևամորթ բասկետբոլիստներ, իսկ «Գլոբթրոթերսը» այդ ընթացքում վերածվում է կրկեսային թիմի։

Մինչև NBA-ին միանալը, «Գլոբթրոթերսում» մեկ մրցաշրջան է անցկացրել կենտրոնական Ուիլթ Չեմբեռլենը, ում 13 համարի խաղաշապիկը հավերժացվել է ակումբի կողմից։

2001 թվականին ակումբն առաջադրվել է Բասկետբոլի փառքի սրահ։

Ակումբի գլխամասը գտնվում է Արիզոնա նահանգի վարչական կենտրոն Ֆինիքսում։

Հավերժացված համարներ

13՝ Ուիլթ Չեմբեռլեն (մարտի 9, 2000)
20՝ Մարքիզ Հեյնս (հունվարի 5, 2001)
36՝ Միդոուլարկ Լեմոն (հունվարի 5, 2001)
50՝ Ռիս «Բադիկ» Տատում (փետրվարի 8, 2002)
22՝ Ֆրեդ «Ոլորամազ» Նիլ (փետրվարի 15, 2008)

Պատվավոր անդամներ

Թիմը պաշտոնապես պատվավոր անդամ է ճանաչել ութ անձի^[2]

Հենրի Կիսինջեր (1976)
Բոբ Հոուփ (1977)
Քարիմ Աբդուլ-Ջաբար (1989)
Վուպի Գոլդբերգ (1990)
Նելսոն Մանդելա (1996)
Ջեքի Ջոյներ-Կարսի (1999)
Հռոմի Պապ Հովհաննես Պողոս II (2000)
Ջեսի Ջեքսոն (2001)

Պատկերասրահ

Ուիլթ Չեմբեռլենը «Գլոբթրոթերսի» մարզաշապիկով
«Գլոբթրոթերսի» բասկետբոլիստները Քաթարում
Հառլեմցիները ԱՄՆ ծովակայանում
Ձեռնածություն բասկետբոլի գնդակներով
Բասկետբոլիստների հանդիպումը Միացյալ Նահանգների ծովային ուժերի ներկայացուցչի հետ
Ցուցադրումներից մեկի ժամանակ
ԱՄՆ առաջին տիկին Բեթի Ֆորդը և հառլեմցի Մեդոուլարկ Լեմոնը (1974 թ.)
«Գլոբթրոթերսի» մարզիկ Ջերմեյն Բրաունը՝ սլեմ դանկ կատարելուց հետո
«Գլոբթրոթերսի» բասկետբոլիստները ձևացնում են, թե ջուր են լցնում հանդիսատեսների վրա